Изгорениот автобус возел во конвој со уште 3 други автобуси, тој бил последен во редот

Македонски државјани се сопственици на транспортната компанија чиј автобус изгоре на автопатот Струма, дознава бугарска НОВА.

Од таму велат дека претставникот на компанијата, кој е на лице место, истакна дека ќе обезбеди список на патници од четирите автобуси кои патувале во конвој, а изгорениот автобус бил последен во редот.

По враќањето на другите три автобуси во Скопје, со ДНК анализа на телата ќе се бараат и идентитетите на загинатите. Транспортната компанија ќе даде информации и за техничката состојба на возилата и кога последен пат биле прегледани.

Истовремено ќе се проверува состојбата на површината на коловозот, свиоците и дали има поплаки за сообраќајни несреќи на истото место. Според првичните информации возачот на автобусот загинал.

Се проверува дали меѓу преживеаните е и вториот кој според законот мора да патува на ваков вид екскурзии. Се работи на верзија за ненадеен технички дефект или заспивање на возачот. Нема видливи траги од местото на несреќата.

Автобусот кој ноќеска се запалил во Бугарија и каде загинаа 46 патници меѓу кои и деца, бил на тетовскиот авто превозник Беса Транс, објави Слободен печат.

Станувало збор за екскурзија на релација Скопје – Истанбул – Скопје, а голем дел фотографии и видеа од истата се објавени на Фејсбук страната на компанијата Беса Транс.

- Advertisement -

АКТУЕЛНО

ПОВРЗАНИ ВЕСТИ

error: Содржината е заклучена!