Видов вакцинирани луѓе и тие не беа сериозно болни. Сè уште сме на почеток што се однесува до новиот сој, но она што го гледаме засега ни дава надеж, вели д-р Анжелик Кеце која лекува заразени со омикрон во Јужна Африка.
Вели дека пациентите кои досега биле вакцинирани немаат никакви компликации. Научниците ширум светот се обидуваат да утврдат дали постоечките вакцини штитат и од новиот сој.
Нигерија ја откри првата инфекција со нов вид на коронавирус омикрон, од примерокот земен во октомври, неколку недели пред Јужна Африка да го предупреди светот за оваа варијанта на вирусот, објави денеска Националниот институт за јавно здравје.
Овој сој го има во 11 земји во ЕУ. Заразените се генерално млади луѓе.
Извор: Faktor.mk
