Д-р Денис Грејфер, заменик министер за здравство од регионот Саратов во Русија, рече дека сите што се вакцинираат треба да се воздржат од „зголемен физички напор“ по вакцината – вклучително и секс.
Предупредувањето на лекарите дојде откако Русите претходно исто така ги советуваа да избегнуваат вотка, пушење и посета на сауна веднаш по вакцинирањето.
Русија има една од најниските стапки на вакцинација во светот, со само 13 проценти целосно имунизирани во споредба со европскиот просек од 30 проценти.
– Верувам, и тоа го знаат сите, дека сексот е активност што троши многу енергија. Затоа, ги предупредуваме луѓето кои биле вакцинирани дека зголемена физичка активност, вклучително и секс, не се препорачува по вакцинирањето – рече д-р Грејфер на прес-конференцијата.
Медиумите наведуваат дека Грејфер има 38 години, оженет, татко на две деца и вакциниран. Неговиот шеф, д-р Олег Костин, сепак беше малку поблаг кога станува збор за секс по вакцинирањето.
„Можете да го направите тоа, само бидете внимателни“, рече Костин. Русите треба да „имаат здрав разум и да не претеруваат“, апелира тој.
