Љиља не оди на гробот на Тоше, но секогаш ќе го чува часовникот што ѝ го подарил

Лилјана Петровиќ, менаџерката на Тоше Проески, која беше со него во автомобилот ноќта кога почина македонскиот пејач, неодамна изјави дека секој ден се сеќава на него, иако не оди во Крушево.

-Не одам на неговиот гроб, бидејќи е насекаде околу мене. Само не сакам да прифатам дека го нема. Секогаш се чувствувам лошо во овој период, бидејќи ме потсетува дека тој навистина не е повеќе тука. Не можам да објаснам, вели Петровиќ и додава:

„Ги чувам сите подароци од него, сите ми се омилени. Нашите фотографии на кои сме насмеани, ми висат на ѕид. Го сакам неговиот часовник што ми го подари за мојот последен роденден. Ќе го чувам засекогаш“. Исто така, открива дека и денес е во контакт со семејството на Проески и дека со нив е во коректни односи.

По смртта на поп-ѕвездата, неговата менаџерка Лилјана Петровиќ се повлече од сите концерти организирани во негова чест, како и од довршувањето на албумите и на песните што беа постхумно издадени. Вели дека тоа му го оставила на неговото семејство.

Петровиќ за „Женски магазин“ откри дека од петте години колку што работеле заедно ѝ останале многу спомени и анегдоти, но и тоа дека тој ја нарекувал тетка Биберче. Лилјана сега е целосно повлечена од јавниот живот, одгледува лаванда и вели дека добро ѝ оди.

- Advertisement -

АКТУЕЛНО

ПОВРЗАНИ ВЕСТИ

error: Содржината е заклучена!