Не може се секогаш да оди според планот, но оваа техника може да ви помогне и во тешки моменти. Повеќето од нас не можат и не треба да бидат постојано среќни, но многу психолози тврдат дека тоа е состојба која е наша одлука.
Сепак, има денови кога животот не ни оди според планот, без разлика колку позитивно размислуваме. Кога има таков период, една практика и техника секогаш ќе ви помогнат да го зачувате оптимизмот и позитивните мисли!
Благодарноста за она што е е едно од најмоќните алатки за создавање на она што сè уште не е. Што значи благодарност? Тоа значи да бидете благодарни за она што го имате. Цените, внимавате, почитувате се што е тука во овој момент – изјави Екхарт Тол.
Колку пати дневно кажувате благодарам? Дали забележувате во секојдневните ситуации, луѓе, предмети и околности за кои вреди да се заблагодарите?Благодарноста има лековита енергија, ве потсетува на она што го имате, што ве прави среќни, мирни, во вас ја буди свеста дека имате многу причини да бидете среќни.
Исто така, кога се фокусираме на она што е позитивно и добро, наместо да ја насочиме целата наша енергија на жалење и очајување поради она што го немаме, се зголемуваат и шансите во нашиот живот.
Дури и кога се појавуваат животни предизвици и пречки, важно е да негувате благодарност од срце – практика што може да ви помогне да бидете смирени и во добро расположение дури и во деновите кои не се најдобри.
Ако се чувствувате лошо – почнете да се заблагодарувате! Заблагодарете му се на сопственото тело за фактот дека, и покрај сè, дише и обезбедува витална активност. Ако се плашите, почнете да се заблагодарувате! Заблагодарете се за сопственото срце и душа и за фактот дека сте живи и што можете да чувствувате.
Ако ве боли, кажете благодарам! Бидете благодарни за сите лекции што сте ги добиле кои ви помагаат да ги надминете пречките, да се победите себеси и да растете, продолжувајќи го вашето патување напред.
Ако сте осамени, почнете да се заблагодарувате! Заблагодарете се за тишината и можноста да бидете со себе, свртете се кон себе и кажете нешто важно, признајте нешто. Можете целосно да се посветите на себе и на вашите потреби, а можете да работите и на самољубие, со што ќе ја поттикнете љубовта на другите.
Ако се чувствувате добро, бидете благодарни! Бидете благодарни за секоја клетка, за можноста да бидете живи, среќни и подготвени за љубов!
Ако сте среќни, заблагодарете се! Заблагодарете се за сите луѓе што ги имате во вашиот живот, за сите дарови и таленти, за заштитата на ангелите чувари, фала му на Бога за сите дарови и сета благодат!
Бидете благодарни што сега ги живеете вашите најдобри години и моменти – што сте подготвени да ги раширите крилјата и да полетате во новите убавини на животот!
