Овој апарат троши струја како фрижидер, а сите го имаме во домот.
Кога ќе размислите за работите кои во вашиот дом трошат многу струја, веројатно на ум не ви паѓа скромниот рутер за интернетот. Но, доколку го оставите вклучен цел ден, ќе потроши струја како и фрижидер.
Затоа, би требало да обратите внимание на енергетската ефикасност на рутерот пред да го купите, и да се уверите дека има најмала можна потрошувачка на енергија кога е вклучен или во стендбај мод.
Германската сојузна агенција за заштита на околината тврди дека посебно е важно доколку рутерот не може да се исклучи бидејќи со него се користи и телефонската линија.
Доколку тоа е случај, совет е да се набави рутер кој има опција барем да го изгаси безжичниот интернет кога не е во употреба.
