Коронавирусот не спаѓа во групата на болести каде што ќе се заразат сите што биле во контакт со инфицирано лице. Не е стопроцентно заразно, како што се морбилите на пример, каде од 100 лица кои биле во контакт со пациент, сите 100 ќе се заразат доколку немаат имунитет и заштита.
Денес, знаеме дека за да може лицето заразено со корона да ја пренесе инфекцијата, потребно е да има повеќе од милион вирусни копии, односно вирусни честички, во еден милилитар респираторна секреција.
Второ, позната е инфективната доза, т.е. за некој да добие инфекција, мора да внесе најмалку 300 вириони, вирусни честички. Ако добиете еден, нема да се разболите – објаснува проф. Д-р Драган Делиќ, инфектолог од Србија за тамошните медиуми.
Тој додава дека фактот што членовите на семејството се во контакт не значи дека сите ќе се разболат. Контактот, како што вели, мора да биде близок, да трае некое време…
– Само затоа што се едно семејство, не значи дека дишат едни на други во лице. Понекогаш се потребни неколку секунди за да се пренесат 300 честички од вирусот, но тоа не е правило и зависи од многу други фактори. Сончевите зраци и светлината, на пример, ја намалуваат инфективноста. И сè зависи од имунитетот на таа друга личност, од неговата реакција на инфекцијата, објаснува д-р Делиќ.
Тој додава дека не реагираме сите исто и не сме сите подложни на инфекција на ист начин.
Иако вирусот ќе се пренесе во повеќето семејства, тој не мора да биде апсолутна законитост. Токму оваа разновидност е во нашата генетска основа. Фактори како што се имунитет, начин на живот, квалитетна исхрана, редовно спиење… се исто така важни. Професорот за инфективни болести, д-р Жарко Ранковиќ вели дека ваквите случаи се познати и кај други заразни болести.
– Една од причините може да биде тоа што член на семејство претходно бил тивко имунизиран, т.е. имал асимптоматска форма на болеста, па стекнал некаков вид имунитет. Се повеќе истражувања покажуваат дека нултата крвна група потешко се заразува и сè зависи, се разбира, од имунолошкиот одговор на организмот – објаснува д-р Ранковиќ и додава дека, покрај сите овие фактори, понекогаш се случува тестот на член на семејство да биде лажно негативен бидејќи не е направен правилно или во вистинско време.
Може да помине и една недела, а да не се заразите во домот
Математичари од Технолошкиот универзитет во Масачусетс (МИТ) смислија математички модел кој ја симулира динамиката на вирусот во простор и за некој да се зарази потребно е од неколку минути контакт со инфициран до дури една недела, во зависност од голем број фактори. Важните параметри вклучуваат големината на просторијата, носење маска, тип на маска, ниво на влажност, број на луѓе и вентилација.
Една од најризичните ситуации, според нивното истражување, е да седите во ресторан, каде што ќе можете да се заразите за само десет минути, додека со едно заразено лице можете да останете во иста просторија во куќата до една недела, без да се заразите, под услов и двајцата носите маски и ја проветрувате просторијата.
Од што зависи инфицирањето
- За да може една личност да ја пренесе инфекцијата, потребно е да има повеќе од милион честички на вирусот во еден милилитар респираторна секреција
- За да се зарази некој, потребно е да се внесат најмалку 300 честички на вирусот
- Ризикот од инфекција во куќата може да се намали со носење маски, држење дистанца, избегнување контакт, вентилација, дезинфекција
- Дали некој ќе се зарази, зависи и од нивниот имунолошки одговор и генетиката
- Фактори кои го намалуваат ризикот од инфекција се здрав живот, вежбање, квалитетна исхрана, сон
- Луѓето со нулта крвна група потешко се заразуваат
- Луѓето кои веќе имале инфекција, дури и асимптоматска, ќе биде потешко да се заразат
- Тестовите понекогаш можат да бидат лажно негативни
Извор: a1on.mk
