МЕЃУ загинатите во разорниот земјотрес што го погоди турскиот град Искендерун е и брачната двојка Алекс и Вероника Илгин, кои дошле во Турција од Орландо, Флорида. Алекс бил брокер за хипотека, а неговата сопруга медицинска сестра.
Тие се венчаа минатиот јули, а во јануари дојдоа да живеат во родниот град на Алекс, Искендерун, за да го започнат процесот на вештачко оплодување и да основаат семејство. Алекс и Вероника живееле во петкатница во Искендерун, која, сепак, била срамнета со земја во земјотресот.
– Братот на Алекс ги бараше со спасувачката екипа. Ги нашол под урнатините, ги нашол гушнати во кревет, под бетонската плоча. Немаа време ниту да станат, изјави најдобриот пријател на Алекс, Василиус Поулос, пренесува Daily Mail.
Рече дека ден претходно братот на Алекс ја ископал мајка му, која исто така починала, а целото семејство речиси исчезнало, ретко кој го преживеал земјотресот.
🔥 ABD'den İskenderun'a aile ziyaretine giden çift depremde hayatını kaybetti: ABD'nin Orlando kentinde yaşayan Alex İskender Ilgın ve eşi Veronika Ilgın, ziyaret amacıyla geldikleri Hatay'ın İskenderun ilçesinde depreme yakalanarak, hayatlarını kaybetti. https://t.co/KixOIHRhYs pic.twitter.com/e7o4W7c1Xn
— 📰 TR HABER || Tüᴍ Hᴀʙᴇʀʟᴇʀ 🇹🇷 (@tr_hbr) February 12, 2023
