Затоплувањето на времето секоја година ги носи истите проблеми и непријатности во домот, на кои луѓето треба да мислат и реагираат. Едни од нив се мравките.
Надвор во природата, тие се корисни и потребни за одржување на еколошка рамнотежа, но во домот стануваат вистински непријател на хигиената и чистотата.
Како да се ослободите од здодевните мравки? Најлесно и наједноставно е да се набави некој хемиски препарат од земјоделска аптека кој ефикасно ќе ги отстрани. Но, што ако мравките ве „нападнале“ за време на викенд, ако аптеките и продавниците се затворени или во моментот од некоја друга причина не сте во можност да набавите такво средство?
Без очајување, постојат природни состојки, храна и слично кои ги имате дома, а можат да ви бидат од помош против мравките.
-Краставици – малку е познато дека мравките не можат да го поднесат мирисот и вкусот на краставиците и бегаат со брзина на светлината од места кадешто го има овој зеленчук. Особено лушпата од краставиците, која за нив е отровна.
–Оцет – ефикасен продукт кој секој од нас во секое време го има во кујната. Испрскајте мала количина кадешто се собираат мравките и со гаранција ќе ги снема.
–Нане – исто така, нешто што вообичаено им се наоѓа на домаќинките при рака. На местата од кадешто влегуваат во просторијата поставете ситно суво нане, а работа може да заврши и вреќичка за чај.
–Цимет – мравките мразат јак мирис, токму таков каков што има циметот.
