10 начини на кои вашето тело ви кажува дека нешто не е во ред

Желбата да џвакате мраз или да јадете нешто солено цело време може да биде знак на подлабок проблем или недостаток на минерали и витамини, велат специјалистите.

Затоа е секогаш добра идеја да се обрне внимание на сите нови навики особено ако тие доаѓаат одеднаш и од никаде.

1. Мравки по нозете
Ако имате чудно чувство како нешто да ве лази по нозете тоа може да биде симптом на синдром на немирни нозе. Ова нарушување е долгорочно и честопати ја чувствувате оваа непријатност во текот на ноќта кога се обидувате да одморите.

2. Задебелување на кожата
Не ги игнорирајте проблемите со кожата или не ги потценувајте. Кога кожата станува подебела и чеша, може да биде знак на куп внатрешни проблеми како хормонално нарушување, егзема или алергии.

3. Промена на ракопис, губење на чувството за мирис и интензивни соништа
Секој веројатно има слушнато за Паркинсоновата болест, но не многумина од нас ги знаат нејзините симптоми. Тресење, бавноста на движењето, слабиот сон заедно со кошмарите и промените во говорот и пишувањето може да бидат знаци на болеста, предупредуваат лекарите.

4. Лутина и агресивно однесување
Всушност, ова би можело да биде поврзано со депресија, велат некои истражувачи. Според нив, депресијата не е секогаш само со недостаток на енергија или доживување тага – може да имате и агресивно однесување.

5. Премногу спиење
Ова нарушување се нарекува хиперсомнија. Некои автоимуни заболувања можат да предизвикаат чувство да сакате да заспиете било каде. Исто така, пиењето алкохолни пијалоци пред спиење може да предизвика ваков ефект.

6. Промени во бојата на очите
Ако има бел или сив прстен околу рожницата на очите, тоа може да биде знак на висок холестерол кај лица под 45 години, забележале лекарите. Прстенот е безопасен сам по себе и има само визуелен ефект.

7. Желба за сол
Во ред е да сакате солена храна, но кога веќе не можете да се контролирате значи има проблем. Ова може да значи недостаток на железо, анемија, дехидрација или предменструален синдром, според медицински извори.

8. Заборавеност, замор, и ниско либидо
Понекогаш луѓето го мешаат ова со депресија. Лекарите сметаат дека е подобро да не се игнорира таква состојба затоа што може да значи проблем со тироидната жлезда во организмот.

9. Постојана жед
Постојат некои случаи кога може да се поврзе со храната што ја јадете, па проверете дали јадете премногу зачинета или солена производи. Постојаната жед исто така може да биде знак на дијабетес или бременост.

10. Желба за џвакање на мраз
Желбата да се џвака мраз може лесно да се објасни и може да биде повеќе од обична навика. Недостаток на железо или анемија може да биде причина за оваа необична желба, покажаа некои истражувања.

Извор: Мотика.мк

- Advertisement -

АКТУЕЛНО

ПОВРЗАНИ ВЕСТИ

error: Содржината е заклучена!