6 фенг шуи трикови за привлекување среќа во домот пред зимата – еве што треба да направите во вашиот дом за благосостојба! Со доаѓањето на новата сезона се менува енергијата во природата, а со неа доаѓа и промената на енергијата во домот.
Во текот на зимата поголемиот дел од времето го поминуваме дома, па затоа е важно енергетскиот простор да се исчисти уште порано и да се направи отворен за позитивни вибрации. Со неколку едноставни совети од експерти за фенг шуи, можете да привлечете позитивна Чи енергија, благосостојба, пари и среќа во вашиот дом во зима!
1. Исчистете го нередот – исфрлете се од дома што е старо, непотребно и излишно, за да направите простор за нешто ново и за подобра енергија. Проверете ги фиоките и плакарите и ако нешто не ви стои или ако не сте носеле нешто минатата сезона, донирајте го во добротворни цели. За секое ново парче облека или предмет што ќе го внесете во вашиот дом, ослободете се од старото. Неорганизираниот и пренаселен простор носи лошо расположение, негативна енергија и лоша среќа. Надвор со старото и внатре со новото!
2. Ослободете се од негативната енергија: Погледнете низ вашиот дом и погрижете се во него да немате предмети кои внесуваат негативна енергија во вашиот простор. Тоа може да бидат, на пример: стари слики од минати врски, потсетници за неуспеси, стари хартии од неуспешни договори, предмет што ви го дал токсична личност итн. Отстранете ги овие работи од вашиот животен простор. Сè што содржи негативни вибрации и лоша енергија, исфрлајте и внесете предмети и работи кои ве прават да се чувствувате среќни.
3. Преместете го мебелот – Ова не значи дека мора да го превртите превезот дома „наопаку“, туку да направите мали измени кои позитивно ќе влијаат на протокот на енергија. Променете го распоредот на работите во кујната, заменете ги навлаките на креветите, распоредете ги украсните детали, поместете ја сликата на другиот ѕид… секоја од овие промени ќе делува освежувачки на домот и енергијата што владее во него .
4. Освежете го просторот со цитрус – Според фенг шуи, портокалите во трпезаријата симболизираат богатство и изобилство, а мирисот на цитрус ја прочистува енергијата и на природен начин внесува пријатно освежување во домот. Наместо овошје можете да користите етерично масло на база на цитрус и на тој начин да започнете убава зимска енергија.
5. Внесете здив на топлина во вашиот дом – Кога вашиот дом изгледа подвиен во текот на зимата, сите се посреќни. Додајте украсно ќебе во дневната соба, меки перници и вклучете црвено во просторот. Сè што симболизира топлина ќе има смирувачки ефект. Опкружете се со топли, привлечни текстури, како што се кадифе, волна или помек памук што ќе внесе топлина во вашиот дом.
6. Растенија – Во текот на зимата ни недостига зеленило кое го подигнува расположението и опушта, но со собните растенија можете да имате зеленило во вашиот дом и во текот на зимата. Според фенг шуи, постојат растенија кои привлекуваат среќа, како и такви кои се одличен талисман за пари – изберете едно или повеќе и внесете ја природата во вашиот дом.
