Вагите се седмиот знак во хороскопот, кој е управуван од Венера. Тие го претставуваат балансот и хармонијата, а се поврзани и со правдата и вистината. Родените во овој знак се стремат кон еднаквост и правда. Тие веруваат дека сечиј глас треба да биде слушнат и не веруваат во насилство.
Освен тоа, тие воопшто не сакаат ниту еден начин на конфронтирање или конфликти со другите.Секогаш се трудат да постои баланс и не се чувствуваат добро кога постои тензија меѓу луѓето. За нив, тоа е ситуација која треба да се надмине или избегне што поскоро. Поради својот силен морален кодекс, Вагите се одлични дипломати, адвокати и судии.
За да постигнат среќа во животот, на Вагите им е потребен баланс. Тие стануваат преоптоварени доколку во нивниот живот постои хаос или екстремни ситуации и за да функционираат најдобро за нив балансот меѓу професионалниот и личниот живот е неопходен. Тие не сакаат да работат долги часови и забавата е важна за нив исто како и работата.
Венера, планетата која владее со нив е втората најголема плата од Сонцето и најсветлата планета која се гледа и со голо око. Во астрологијата, Венера е владетелка на љубовта и убавината, што се одразува и на карактерот на Вагите, бидејќи тие ја ценат убавината и естетиката. Многу Ваги имаат одличен стил и ги ценат фините нешта во животот и така лесно ќе ги препознаете меѓу луѓето.
Иако не делува често така, Вагите многу се трудат за тоа каков впечаток оставаат пред другите. Тие имаат свој автентичен стил и инвестираат многу финансии во облеката. Често делуваат површни пред луѓето, но тоа е само поради тоа што имаат префинет вкус и често нивната облека е скапа или пак направена од ретки материјали.
Вагите имаат и одличен вкус кога станува збор за книгите, филмовите и музиката. Често знаат да бидат независни во животот, па потребно им е подолго време за да донесат одлука за нешто. Сепак, често знаат да побараат совет од своите пријатели, а тие ги имаат многу бидејќи се многу социјални личности.
Родените во овој знак се многу комуникативни и одлично функционираат во тим и во секое друштво. Тие обожаваат да разговараат на различни теми, а со нив лесно можете да најдете компромис во различни ситуации. Не сакаат кога луѓето се лути на нив и така брзо се трудат да најдат решение.
Многу Ваги се родени лидери и луѓе кои би започнале револуција или некакво социјално движење за правда во светот. Со својата харизма имаат голема моќ да ги водат и инспирираат луѓето и тоа им доаѓа природно на луѓето родени во овој знак.
Како пријатели, тие се социјални пеперутки и за нив дружењето со луѓето им дава енергија и никогаш не ги истоштува. Ги ценат длабоките врски и сакаат да се дружат со луѓето особено за време на викенди и празници. Тие се секогаш оние кои први ќе ви испратат порака и ќе иницираат дружење.
Љубовта е многу важна за нив и ако се заљубат, тие се посветени и лојални партнери. Со нив, ќе одите на интересни места, ќе слушате интересна музика и ќе испробувате нови јадења. Тие се многу шармантни личности кои се неодоливи. Тоа е поради тоа што често имаат насмевка на лицето и ретко ќе ги видите тажни, замислени или нервозни. Се заљубуваат повеќе пати во животот и кога се заљубени, тие се најсреќни.
Често прават грешка погрешно да ги проценат луѓето и да пуштат погрешни луѓе во својот живот, но тоа останува со нив за цел живот иако делува дека брзо ја надминале таквата ситуација и дека заборавиле на таа личност.
Вагите ценат длабоки и посветени врски и односи. Тие можат да стекнат пријатели каде и да се појават, но и лесно да ве натераат да се заљубите во нив. Со нив, животот е лесен бидејќи не осудуваат и се личност со која можете длабоко да се поврзете.
Извор: Skopje24.mk
